Ақтөбелік түлектер ҰБТ-ның алғашқы күні орташа есеппен алғанда 76,8 балл жинады
АҚТӨБЕ. 4 маусым. ҚазАқпарат - Ұлттық бірыңғай тестілеудің алғашқы күні ақтөбелік түлектер орташа есеппен алғанда 76,8 ұпай жинаған.
Кеше үш жоғары оқу орнының қабырғасында Ақтөбе қаласының, Мәртөк, Алға, Қарғалы аудандарының, Алға балалар үйінің, Есет батыр атындағы мектеп-интернаттың 1071 оқушысы бақтарын сынады.
Бүгін аймақтың қалған 9 ауданындағы мектеп бітірушілер тест сауалдарына жауап беруде.
Облыстық білім беру басқармасы бөлімінің жетекшісі Гүлжан Құлыбекованың айтуынша, ҰБТ-ның алғашқы күніне «Алтын белгіге» үміткер 63 оқушы қатысса, олардың 19-ы ғана (30 пайызы) білімдерін дәлелдеген.
Жалпы биылғы оқу жылында Ақтөбе облысында 284 түлек «Алтын белгіге» үміткер болып отыр.
