Ақжайықта балалар туризмі жылы жарияланды

ОРАЛ. Қаңтардың 16-сы. ҚазАқпарат /Ғайсағали Ералы/ - БҚО-ның Ақжайық ауданында 2009 балалар туризмі жылы болып жарияланды,

деп хабарлайды ҚазАқпарат тілшісі. Осыған орай ауданда ауқымды іс-шаралар жоспарланып отыр. Қазірдің өзінде жыл басынан бері фестиваль, семинар-оқулар ұйымдастырылды. Түрлі үйірмелер де жұмыс жасайды. Өткен жыл қорытындысымен осындай мекемелер арасындағы рейтинг бойынша бірінші орында тұрған аудандық туризм және экология орталығы биыл жұмысын одан сайын ширата түспек.