Альпі тауында қар көшіп, оқиға салдарынан 7 адам опат болды
Олардың екеуі - туристер, төртеуі - құтқарушылар. Опат болғандардың ішінде бір бала бар, деп хабарлайды ANSA және AFP агенттіктері.
Бірінші оқиға Италияның солтүстік-шығысында, Трентино-Алто-Адидже ауданында орын алды, деп хабарлайды «РИА «Новости» агенттігі. Сенбі күні онда екі итальяндық турист пен оларды іздеуге аттанған төрт құтқарушы қаза тапты. Олардың денелері жексенбі күні таңертең табылды.
Сол маңда, тағы бір қар көшкінінің салдарынан таудағы курортқа ағасы алып келген 12 жасар неміс баласы қайтыс болды.
Қалың жауған қар мен температураның көтерілуі салдарынан Альпі тауларында қар көшкіні қаупі күшейіп отыр. Жергілікті өкімет бесбалдық бағам бойынша аймақта төртінші деңгейдегі қауіп-қатер жариялап отыр.