Алапат өрт күре жолдағы 20 көлікті отқа орады

АСТАНА. ҚазАқпарат - Калифорнияда өрт салдарынан күре жолда 20 автомобиль жанып кетті, тағы 10-ы зақымданды, деп хабарлайды жергілікті билік орындарына сілтеме жасаған CNN телеарнасы.

Сан-Бернардино қаласы маңындағы Каджон Пасс ауданында шыққан табиғи өрт күре жолға да тараған. Сондай-ақ бес үй түгі қалмай өртеніп кетті. Тілсіз жауды ауыздықтауға өрт сөндіретін тікұшақ тартылды.

Жалын тілі 8,4 мың гектар жерді жалмап кетті.