Алдағы үш күнде 40 градус аптап ыстық болады

АСТАНА. KAZINFORM — Қазгидромет синоптиктері 13-15 маусым аралығына арналған үш күндік ауа райы болжамын жариялады. 

Алдағы күндері Қазақстанның басым бөлігінде фронттарға байланысты ауа райы тұрақсыз болады.

Жаңбыр, найзағай және екпінді жел болжанады, еліміздің солтүстігінде, шығысында және орталығында бұршақ жауады.

Ең қарқынды жаңбыр 13-15 маусым аралығында шығыста және орталықта болады, ал 14 маусымда еліміздің солтүстігі мен оңтүстік-шығысында қатты жауын жауады. 

Күндізгі температура еліміздің батысында — +33+40°С, солтүстігі, орталығында — +20+28°С-тан +25+30°С-қа дейін, оңтүстігінде — +27+35°С-тан +30+40°С-қа дейін, оңтүстік-шығысында — +22+30°С-тан +25+35°С дейін, ал шығыста — +22+30°С-тан +20+28°С-қа дейін аздап төмендейді.