Александр Лебзяк: Риода Ресей боксшылары үшін Қазақстан - басты қарсылас

АСТАНА. ҚазАқпарат - Бокстан Ресей құрамасының бас бапкері Александр Лебзяк Рио олимпиадасына қатысты өз пікірін білдірді.

- Біз ешкімнен қорықпаймыз, бірақ қауіптенеміз. Кубалықтар, қазақтар, өзбектер, пуэрто-риколықтар бар. Соңғы жылда әлемде бокс қарқынды дамып келеді.  Олимпиадаға Қазақстан, Украина және Кубадан баратын боксшылардың барлығы медаль алуға мүмкіндігі бар. Біз олимпиада кезінде үздік үштікке енуге тырысамыз, - деді ресейлік маман.

Мырзағали Айтжанов баптайтын Қазақстан құрамасы тарихта алғаш рет олимпиадаға он жолдама алды. 

Айтжанов Қазақстан құрамасы олимпиадаға дейін бірнеше халықаралық жарысқа қатысатынын айтты, деп хабарлайды alaman.kz.