Әлем чемпионаты: Қазақстан хоккейшілері элиталық дивизионға шыға алмады

АСТАНА. KAZINFORM — Хоккейден Қазақстан жастар құрамасы Словенияда өтіп жатқан IA дивизионындағы әлем чемпионатындағы кезекті ойынын өткізді. 

Бұл кездесуде отандастарымыз Норвегия құрамасымен шеберлік байқасты. Өкінішке қарай, қазақстандықтар қарсыластарынан 10:2 есебімен ойсырай жеңілді.

Осы нәтижеден кейін Қазақстан құрамасы топ-дивизионға шығу мүмкіндігінен айырылды.

Жарыстағы соңғы ойынды біздің хоккейшілер Аустрия құрамасына қарсы өткізеді.

Бұған дейін Қазақстан хоккейден жастар арасындағы әлем чемпионатында Словениядан басым түскенін жазғанбыз.