Әлемдік дағдарыс 2010 жылдың соңына қарай аяқталады

ВАШИНГТОН. Наурыздың 5-і. ҚазАқпарат - Charles Schwab инвестициялық компаниясы сауалнама жүргізген жетекші тәуелсіз қаржы сарапшыларының 85 пайызының пікірі бойынша, әлемдік экономикадағы дағдарыс 2010 жылдың соңына қарай аяқталады.

ҚазАқпарат бұл туралы «РИА «Новости» агенттігіне сілтеме жасап хабарлайды. Қалған 15 пайызының пікірінше, рецессия одан да ұзаққа созылуы ықтимал. «Нарық АҚШ президенті Барак Обаманың дағдарысқа қарсы жоспарын пессимизммен қабылдап отыр. Банктердің тағдыры бұлыңғыр», делінген мамандардың есебінде.