Әлемнің ең қымбат қонақүйлері Дубайда орналасқан
АСТАНА. Мамырдың 7-сі. ҚазАқпарат - Әлемнің ең қымбат қонақүйлері Дубайда орналасқан. Британдық сарапшылар жүргізген зерттеудің қорытындысы осындай,
деп хабарлайды «Маяк» радиосы.
Онда нөмірдің орташа бағасы 252 долларды құрайды және бұл соңғы 4 айдағы әлемдегі ең жоғары баға болып қалуда. Зерттеу барысында 3, 4 және 5 жұлдызды қонақүйлердегі екі орындық стандарт нөмірдің бір тәуліктік құны есептелген. Бұл көрсеткіш бойынша екінші орында - Токио, үшінші орында -Париж тұр.
Бірақ толуы жағынан Дубай қонақүйлері Сиднейге есе жіберіп, екінші орынды қанағат тұтуда. Ақпан айында Сидней отельдерінің толуы 85 пайызды құраған.
