Әлеуметтік мекемелер арасында спорттық жарыс өтті

ОРАЛ. 8 мамыр. ҚазАқпарат - Оралға қарасты Круглоозерный кентіндегі медициналық-әлеуметтік мекемеде Ұлы Жеңіске - 67, Қа­зақ­стан Қарулы күш­те­рі­не 20 жыл толуына және Кеңес Одағының Ба­ты­­ры Садық Жақсығұлов­ты еске алуға орай, өңірдің әлеу­мет­тік мекемелері арасында спартакиада өтті.
None
None

Оған Көшім балалар меди­ци­налық-әлеуметтік мекемесі, об­лыс­тық жұмыспен қамту жә­не әлеу­мет­тік бағдарламалар бас­қар­масы және өзге ұжымдар­дың спортшылары қатысып, во­лей­бол, дойбы, үстел теннисі және бильярд бойынша өзара күш сынасты. 

Спартакиаданың ашылу рә­­­сі­­­мін­­де жұмыспен қамтуды үй­­­лес­­­ті­ру және әлеуметтік бағ­дар­­ла­­ма­­лар басқармасының бастығы Кемел Сәдбеков жи­нал­­­ған­­дар­­ды мерейлі мейрамдармен құттықтап, тың та­быс­тар тіледі. Жарысқа  қатысу­шы­лар­ды Ұлы Отан со­ғы­сы­ның ардагері Хамза Сафин, Круглоозерный кент­тік округінің әкімі Қайырғали Нәдірғалиев, аталмыш мекеменің директо­ры Қайреден Жақсығұлов құт­тық­тады.

Тартысты өткен жарыс со­ңында жеңімпаздар анық­тал­ды. Волейболдан ерлер және әйел­дер арасында жергілікті спортшылар жүлделі бірінші орынды иеленсе, үстел теннисінен көшімдік М.Ибрашев шашасына шаң жұқтырмады. Әйелдер арасынан «Шапағат» мемлекеттік ме­ке­месінің мұғалімі Б.Жарты­баева бірінші орынды жеңіп алды. Дойбыдан сол ауылдың тұрғыны А.Ахмедиярова алға суырылып шықса, ерлер ара­сын­дағы бірінші орын кө­шім­дік М.Ибрашевтің еншісіне бұ­йыр­ды. Ал бильярдтан Круглоозерный медициналық-әлеу­мет­­тік ме­­ке­­ме­сі­нің директоры Қай­ре­ден Жақсығұлов бірінші орынды же­ңіп алды.  Жарыс же­ңім­паз­да­ры­на марапат қа­ғаз­дары мен кубоктар салтанатты түрде табыс етілді.

Соңғы жаңалықтар