Алға ауданында 85 милиметрлік жарқыншақ снаряд табылды
АҚТӨБЕ. 23 тамыз. ҚазАқпарат - Алға ауданындағы Ерназар кентінен 4 шақырым жерде таңбаланған жарқыншақты-фугасты снаряд анықталды. Оның қасында таңбаланған тағы бір жарғыш болды, деп хабарлады ІІД-нің баспасөз қызметінен.
Снарядты металл сынықтарының арасында Ақтөбе гарнизонындағы әскери қызметкерлердің бірі тауып алды.
Оқиға орны және оның маңы күзетке алынды. Жақын уақытта оқ-дәрінің көзін құрту жоспарлануда.
Аталған фактімен Алға АІІБ-де аталған снарядтың шығу тегін анықтау мақсатындағы тексеру шаралары өтуде.
