Алматы екі автобус соқтығысты: зардап шеккендер бар
АЛМАТЫ. KAZINFORM – Алматыда екі қоғамдық көлік соқтығысты.
Алматы қаласы Полиция департаментінің мәліметінше, жол-көлік оқиғасы бүгін сағат 12:00 шамасында Әуезов ауданында болған. №15 бағыттағы автобустың жүргізушісі Сүлейменов көшесімен солтүстік бағытта келе жатып, Жандосов көшесінің қиылысында №66 бағыттағы автобуспен соқтығысқан.
- Екінші автобус Жандосов көшесіне солға бұрылып, жаяу жүргіншілерді өткізіп тұрған еді. Осы жол апатының салдарынан автобустың бірнеше жолаушысы медициналық көмекке жүгінді. Қазіргі уақытта Әуезов аудандық полиция басқармасының қызметкерлері оқиғаның мән-жайын анықтап жатыр, - деп хабарлады департаменттен.
Еске салайық, Алматы облысында дрондар жол ережесін бұзудың 400-ге жуық дерегін тіркеді.
