Алматы қаласы Экология және қоршаған орта басқармасының басшысы тағайындалды
АЛМАТЫ. KAZINFORM - Алматы әкімі Ерболат Досаевтың өкімімен Алматы қаласы Экология және қоршаған орта басқармасының басшысы лауазымына Мирас Гайсин тағайындалды.
Мирас Гайсин 1987 жылы Алматы қаласында туған. Ш.Уәлиханов атындағы Көкшетау мемлекеттік университетін құқықтану мамандығы бойынша бітірген.
Еңбек жолын 2008 жылы Алматы қаласы әкімдігінің тұрғын үй-коммуналдық шаруашылық бөлімінің маманы ретінде бастаған. Кейінгі жылдары Алматы және Астана қалалары әкімдіктерінің Табиғи ресурстар басқармаларында әртүрлі басшылық қызметтер атқарды. 2023 жылдан бері Алматы қаласы Экология және қоршаған орта басқармасы басшысының орынбасары қызметін атқарды.
Еске салайық, бүгін Алматы қаласы спорт басқармасының басшысы қызметіне Дархан Нұрханұлы тағайындалды.
