Алматыда ер адам әйел жүргізушінің көлігіне мініп, оны ұрмақ болған
АЛМАТЫ. KAZINFORM – Алматы полициясы өз көлігімен әйел жүргізушінің көлігін соғып, кейін оны ұрмақ болған күдіктіге қатысты тергеу жүргізіп жатыр.
Әлеуметтік желіде ер адамның әйел жүргізушіге күш көрсетпек болған бейнежазбасы тарады. Алайда бейнероликтен өзге азаматтардың әйелге араша түскенін көруге болады.
- Рысқұловтағы Магнум автотұрағы. Қызды әрең арашалап қалдық… ұрып, тағы тістеп алған, - делінген бейнеролик астындағы жазбада.
Аталған жағдайға байланысты түсініктеме берген қалалық Полиция департаменті тергеу жүріп жатқанын хабарлады.
- Аталған дерек бойынша Жетісу аудандық полиция басқармасы тергеу жүргізіп жатыр. Оқиғаның мән-жайы анықталады. Құқық бұзушыға қатысты Қазақстан Республикасының заңнамасына сәйкес шаралар қолданылады, - деп хабарлады департаменттен.
Айта кетейік, Алматыда балалар жыл басынан бері 623 жол-көлік оқиғасына ұшыраған.
