Алматыда Құрманғазы көшесіндегі көлік қозғалысы уақытша шектеледі

АЛМАТЫ. KAZINFORM — 11 сәуір сағат 9:00-ден 14 сәуір сағат 6:00-ге дейін Алматы қаласының Пушкин көшесінен Достық даңғылына дейінгі аралықта Құрманғазы көшесі жабылады. 

Қала әкімдігінің мәліметінше, көшенің бұл бөлігінде асфальт жабыны шөгуінің салдарын жою үшін уақытша шектеулер енгізіледі. Жұмыстарды мердігер ұйым кепілдік міндеттемелері аясында жүргізеді. 

— Қала тұрғындары мен қонақтарынан уақытша қолайсыздықтарға түсіністікпен қарауды және көрсетілген учаскені айналып өту жолдарын алдын ала қарастыруды сұраймыз, - деп хабарлады «Алматы жылу желілері» ЖШС-ы. 

Еске салайық, бұған дейін Алматы әуежайының аумағында көлік қатынасы қиындайтынын жазған болатынбыз.