Алматыдан 258 км қашықтықта жер сілкінді

АЛМАТЫ. KAZINFORM – Алматылықтар тағы да жер сілкінісін сезді, деп хабарлайды ҚР Төтенше жағдайлар министрлігінің баспасөз қызметі.

«ҚР ТЖМ «Сейсмологиялық бақылаулар және зерттеулер ұлттық ғылыми орталығы» ЖШС сейсмикалық станциялар желісі 23 ақпан 16 сағат 33 мин 6 секундте жер сілкінісін тіркеді, Зілзаланың ошағы Алматы қаласынан оңтүстік-шығысқа қарай 258 км жерде, Қытай аумағында жатыр. Сезілуі туралы мәліметтер: Алматы қаласында 2 балл, зардап шеккендер мен бүлінген ғимаратар жоқ. Жағдай тұрақты. ТЖМ азаматтарға сабыр сақтап, дүрбелеңге берілмеуге кеңес береді»,-делінген хабарламада.