Алматыға 31 млн-нан астам теңгенің контрафактілік өнімі әкелінген
АЛМАТЫ. KAZINFORM — Алматыда жыл басынан бері 31 223 523 теңгенің контрафактілік өнімі заңсыз айналымнан алынды. Бұл туралы қалалық Әділет департаментінің зияткерлік меншік құқықтары бөлімінің басшысы Еркебұлан Жетпісбаев өңірлік коммуникациялар қызметінде өткен баспасөз мәслихатында айтты.
Спикердің сөзінші, контрафактілік өнімдер ел экономикасына зиян келтіріп, өндірушілердің кірісін азайтады.
«Ең өзекті мәселелерінің бірі – тауар көшірмелерімен күресу және оның белгілерінің құқықтарын қорғау. Жаһандану және коммерциялық белсенділіктің өсуі дәуірінде контрафактілік өнім мәселесі барған сайын күрделі болып барады. Сауда белгілерін заңсыз пайдалану құқық иелеріне зиян келтіріп қана қоймай, сонымен қатар тұтынушылардың нарыққа деген сеніміне нұқсан келтіреді», - деді Еркебұлан Жетпісбаев.
Зияткерлік меншік құқықтарын қорғау бағытында жүргіліген тексеру нәтижелері бойынша 66 құқық бұзушылық анықталды.
«Жыл басынан бастап Алматы қаласы Әділет департаментінің зияткерлік меншік құқықтары бөлімі мынадай нәтижелерге қол жеткізді: 66 әкімшілік құқық бұзушылықтың жолын кесіп, іс қозғады, оның барысында 31 223 523 теңгеге 31 978 контрафактілік өнім заңсыз айналымнан алынды. Жоғарыда көрсетілген әкімшілік құқық бұзушылықтарды қарау нәтижелері бойынша сот құқық бұзушыларға қатысты жалпы сомасы 4 750 364 теңгеге айыппұл салды», – деп нақтылады спикер.
