08:17, 07 Наурыз 2024 | GMT +5
Алматылық құтқарушылар өртенген үйден 57 жастағы тұрғынды алып шықты
АЛМАТЫ. KAZINFORM – Алматылық құтқарушылар Медеу ауданындағы жанып жатқан үйден 57 жастағы ер адамды аман алып шықты.

6 наурыз күні кешкі сағат 18.58-де Алматыда жеке тұрғын үй өртенді. Қызыл жалын кейін көршілес 2 қабатты жеке тұрғын үйдің шатырына таралған.
Өрт 20.02-де толығымен сөндірілді. Оқиға орнынан 1967 жылғы ер адам құтқарылып, жедел жәрдем қызметкерлеріне тапсырылды.
Қазіргі уақытта өрттің шығу себебі анықталып жатыр.
Тілсіз жауды сөндіру жұмыстарына Алматы қаласындағы ТЖД-ның 20 адамы және 5 техника жұмылдырылды.