Алматы-1 вокзалы маңында Субару көлігі аударылып қалды

АЛМАТЫ. ҚазАқпарат - Алматы-1 вокзалы маңында Субару көлігі аударылып қалды, деп хабарлайды ҚазАқпарат тілшісі.

Жол апаты Алматы-1 вокзалы маңында Дөнентаев-Лавренев көшелерінің қиылысында болған.

Лавренев көшесімен солтүстікке бағыт алған Subaru Forester-ді Дөнентаев көшесінен шыққан Volkswagen Golf көлігі бүйірден ұрған.

Соққыдан Subaru Forester төңкеріліп қалды.

Оқиға орнына жеткен жедел жәрдем Subaru Forester жүргізушісін ауруханаға алып кетті.

Volkswagen Golf жүргізушісі ауруханаға барудан бас тартты.