Алматы әкімі биыл халықпен 24 кездесу өткізеді
АЛМАТЫ. ҚазАқпарат- Алматы әкімі Ерболат Досаев Бостандық ауданының тұрғындарымен 14 сәуір күні сағат 15.00-де кездесу өткізеді, деп хабарлайды ҚазАқпарат тілшісі.
«Мемлекет басшысының «Әкімдердің халықпен кездесулерін өткізу туралы» Жарлығына сәйкес 2022 жылғы 29 наурызда қала мәслихатының шешімімен Алматы қаласы әкімінің тоқсан ішінде 8 кездесуі және аудан әкімдерінің тұрғындармен кездесулерінің жылдық күнтізбесі (ай сайын 1 кездесуден) бекітілді. Жылдық күнтізбе бойынша жылдың соңына дейін барлығы кем дегенде 48 кездесуге дейін өткізу қарастырылған (24 – қала әкімі, 24 – аудан әкімі)», - делінген әкімдік таратқан ақпаратта.
Айта кетейік, 14 сәуір күні сағат 15.00-де Алматы әкімі Ерболат Досаев Бостандық ауданының тұрғындарымен кездеседі. Өтетін жері: Абай даңғылы 90, Бас жоспардың ғимараты. Сонымен қатар, сәуір айы ішінде кестеге сәйкес аудан әкімдерінің халықпен 9 кездесуі өтеді. Оның кестесін мына жерден табуға болады: https://www.gov.kz/memleket/entities/almaty/press/article/details/80560?lang=kk
