Алматы мен Астана әуежайларында ұялы телефондарды тоқпен толтыратын орталық ашылды

rong> Шілденің 13-і. ҚазАқпарат /Ербол Азанбек/ -Beeline байланыс операторы Алматы мен Астана қалаларындағы әуежайларда мобильдік байланыс құралдарын тоқпен толтыруға арналған орталық ашты,

деп хабарлайды ҚазАқпарат.

Орталықта Nokia, LG, Samsung, Motorola, SonyEricsson, Apple (Iphone) сынды ұялы телефондармен қатар ноутбуктарды да токпен толтыруға болады.Орталық  қызметін бір мезгілде 10 адам пайдалана алады.

         «Beeline бұл орталықты өз тұтынушыларына қай жерде болмасын еркін байланысуына мүмкіндік жасау мақсатында ашып отыр.Ұшақты тосу кезінде ұялы телефоннның көмегі көп тиеді.Жаңа орталық жолаушыларға үлкен қолайлылықтар туғызады деп ойлаймын», дейді «Кар-Тел» ЖШС маркетинг жөніндегі директоры Айнұр Әбжанова.Оның айтуынша, жолаушылар аталған орталық қызметін тегін пайдаланады.