Алматы мен Үрімшіні жаңа тікелей рейс жалғайды

АЛМАТЫ. Маусымның 23-і. ҚазАқпарат /Елена Ильинская/ - Қазақстанның ұлттық әуе тасымалдаушысы - «Эйр Астана» әуекомпаниясы 2010 жылдың 2-ші шілдесінен бастап Алматы - Үрімші тікелей рейсінің ашылуы туралы қуанышпен хабарлайды. Бұл туралы бүгін Алматы қаласында өткізілген арнайы баспасөз мәслихатында компания өкілдері мәлім етті.

«Эйр Астана» АҚ президенті Питер Фостердің айтуынша, Қытай мен Қазақстан арасындағы сауда айналымдары күн өткен сайын артып келе жатыр, екі ел арасында қоғамдық-саяси, мәдени және экономикалық байланыстар дамып келе жатыр. Қазіргі уақытта әуе компаниясы Алматыдан Бейжіңге, ал Астанадан Үрімшіге дейін ұшуды ұйымдастырып отыр, дегенмен оның өзі сұранысты қанағаттандыра алар емес.

Үрімші қаласына «Эйрбас-320» жайлы ұшағымен саяхаттан рахат аласыз. Тариф құны эконом-класс билеттері үшін 27000 теңгеден және бизнес-класс үшін 140000 теңгеден басталады. Әуежай алымдары мен басқа да салықтар қосымша алынады. Ұшу уақыты 1 сағат 50 минут.