Алматы облысы аумағында республикалық жолда көлік қозғалысы жанданды

АСТАНА. 6 желтоқсан. ҚазАқпарат - Алматы облысы аумағындағы боранға байланысты жабылған республикалық маңыздағы жолда көлік қоғалысы жанданды. Бұл туралы бүгін «Қазақавтожол» РМК-ның баспасөз қызметі хабарлайды.

Атап айтқанда, кеше сағат 22:30-дан бастап ауа райының қолайсыздығына байланысты  «Алматы-Көкпек-Көктал-Қорғас» автожолының 126-196 шақырымы аралығында қоғамдық және жүк автокөлік түрлері үшін жолға шығуға тыйым салынған еді. Бүгін сағат 14:30-дан бұл жол ашылып, көліктер жүре бастады.