Алматы облысында автожол салу кезінде мина табылды
ТАЛДЫҚОРҒАН. ҚазАқпарат - «Алматы-Өскемен» жаңа автожолындағы жол құрылысы жұмыстары кезінде Сарыөзек кенті маңынан тракторшылардың бірі мина тауып алды.
Шақыру бойынша келген Кербұлақ АІІБ тергеу-жедел тобы бұл ақпаратты қуаттады.
Алматы облысы ІІД-нің «Арлан» арнайы бөлімшесінің саперлері келгенге дейін ату жарағы табылған жердің айналасын жергілікті полицейлер қоршауға алды.
Ату жарағы оқу-жаттығуға арналған танкіге қарсы «ТМ-57» минасы болып шықты.
Қазіргі кезде оқиға орнынан табылған оқу-жаттығу минасы бұл факті бойынша жиналған материалдармен бірге әскери полиция бөлімшесіне тапсырылды.
