Алматы облысында дала өрті 18 гектар егіндікті жалмады
АСТАНА. Шілденің 15-і. ҚазАқпарат - Кеше Алматы облысының Жамбыл ауданына қарасты Самсы ауылдық округінде тұтанған дала өрті «Қаттаубай» ЖШС-не тиесілі егіндікті шарпыды, деп хабарлады ҚР Төтенше жағдайлар министрлігінің баспасөз қызметінен.
Өрт 108 гектар аумақты қамтыды, оның 18 гектары егіндік. Зардап шеккендер мен қаза тапқандар жоқ.
Қызыл жалынды сөндіруге 4 сағаттан астам уақыт кеткен. Оны ауыздықтауға ҚР ТЖМ Алматы облыстық төтенше жағдайлар департаментінің өрт сөндіру қызметімен қатар 100 жергілікті тұрғын жұмылдырылған.
