Алматы облысында қаңғыбастар зейнеткердің жарты миллионнан астам теңгесін тартып алды

ТАЛДЫҚОРҒАН. 30 мамыр. ҚазАқпарат - Алматы облысының тәртіп сақшылары зейнеткерге қарақшылық шабуыл жасаған екі ер адамды ұстады.

Ерлі-зайыпты зейнеткерлер Еңбекшіқазақ аудандық ішкі істер басқармасына қаңтар айында біреулер оларды соққыға жығып, 650 мың теңгені тартып алғаны туралы арызданған.

Жергілікті тәртіп сақшылары жедел іздестіру шараларының барысында күдіктілерді Алматы қаласында қолға түсірді. Олардың ешбір құжаттары болмай шықты. Таяу шетелдің азаматтары құжаттарының жоқтығынан кезбелік өмірге салынған көрінеді.

Күдіктілерді зейнеткерлер таныды. Аталмыш оқиға бойынша тергеу жұмыстары жалғасуда.