Алматы облысында Кәсіпкерлерге қызмет көрсету орталығының қолдауымен 90 бизнесмен өз ісін ашты
ТАЛДЫҚОРҒАН. ҚазАқпарат - 90 бизнесмен орталық кеңесшілерінің ақпараттық және консалтингтік көмек алып, бизнес жүргізу бойынша оқу оқыды.
Ағымдағы жылдың қаңтарынан Кәсіпкерлерге қызмет көрсету орталығына 1 539 адам кәсіпкерлік мәселелері бойынша жүгінді. Қырық күнде орталықтың қолдауымен 90 адам өз ісін ашып, бизнес-жоспарларын жүзеге асырды.
Өз ісін ашқандардың қатарында 23 жастағы Индира Қасабаева бар. Бойжеткен стартап-жобаларды қолдау бағдарламасы бойынша «Даму» қорында оқудан өтті.
«Спорттық-сауықтыру кешен ашу идеясы туындады. Алайда істі неден бастарымды білмедім. Өткен жылы Кәсіпкерлерді қолдау орталығының көмегіне жүгіндім. Онда қор тегін ұйымдастыратын оқуларға қатысуға кеңес берді. Сабақта жалғыз бизнес-жоспардың болуы аз екенін түсіндім. Жобаны қалай дамыту керектігін, нарықты сараптауды, бизнес-жоспар құрып, тиісті есеп жүргізуді білу қажет. Бір жарым айдай онлайн режимде білім алдым. Енді сайтты қалай іске қосу керек екенін, клиенттерді қалай тарту керектігін білемін», - деді Индира.
Консультациялық кеңестен бөлек «Даму» Қоры қаржылай көмек те көрсетеді. ШОБ өкілдері гранттар, жеңілдетілген пайыздық мөлшерлемелер бойынша несие ала алады.
Кәсіпкерлерге қызмет көрсету орталығына бизнестегі мүмкіндігін сынағысы келетін кез-келген адам және өз ісіне қосымша қолдау шараларына қол жеткізгісі келетіндер жүгіне алады.
