Алматы облысында жеңіл тікұшақ апатқа ұшырады

АЛМАТЫ ОБЛЫСЫ. ҚазАқпарат - Бүгін шамамен күндізгі сағат 12-де Алматы облыстық мәслихатының депутаты Жанайдар Егінбаевтың иелігіндегі жеңіл салмақты тікұшақ апатқа ұшырады.

Алматы облысының прокуратурасынан хабарланғандай, тікұшақ ұшу кезінде электр тасымалдау желілерінің үстіне құлап, Ақшатоған аулының жанында өртене бастаған. Қазіргі кезде апат орнында тергеу-жедел тобы жұмыс істеуде.