12:09, 05 Қаңтар 2010 | GMT +5
Алматы облысының екі ауданында «Дипломмен - ауылға!» бағдарламасы жұмыс істейді
ТАЛДЫҚОРҒАН. Қаңтардың 5-і. ҚазАқпарат /Сандуғаш Дүйсенова/ - Ауыл шаруашылығы министрлігінің «Жас Отан» жастар ұйымымен, Ауыл жастары одағы және Қазақстанның Студенттер альянсымен бірлескен бастамасы бойынша қазіргі таңда республикамызда «Дипломмен- ауылға!» қоғамдық акциясы жүргізіліп жатыр.

Алматы облысы әкімдігінің баспасөз қызметінен хабарлағандай, бағдарлама жұмыс істей бастағалы Ақсу ауданына 110 маман келіп отыр, олардың ішінде, білім саласына - 46 адам, медицина саласына 12 адам келген. Соңғы 2-3 жылдың ішінде Жансүгіров атындағы ауылға 10 дәрігер келіп қоныстанған. Олардың ішінде хирургтер мен анестезиологтар, гинекологтар мен неонатологтар, лор-дәрігер мен окулист мамандары бар. Олардың барлығы пәтер алып отыр.
Сондай-ақ оқу жылының басында Сарқан ауданының ауыл мектептеріне 30 мұғалім келді.