Алматы облысының тұрғындары ит ұстау ережелерін бұзғаны үшін жарты миллион теңге төлейді
ТАЛДЫҚОРҒАН. ҚазАқпарат - 2014 жылдың 4 айы ішінде Алматы облысының полицейлері иттер мен мысықтарды ұстау ережелерін бұзғаны үшін 1988 әкімшілік хаттамалаорын рәсімдеді.
Облыс ІІД баспасөз қызметінен хабарлағандай, хаттамалардың жалпы санының - 1820-ы ескертулер. Мұндай заң бұзушылық Ақсу және Кербұлақ аудандарында, сондай-ақ Талдықорғанда көбейіп кеткен.
Заң бұзушылықты екінші рет қайталағандары үшін 150 ит иелеріне 531 719 теңге көлемінде айыппұл санкциялары салынды. Олардың әзірге 170 384 теңгесі өндіріліп алынды.
