«Алматы-Өскемен» республикалық трассасын салу кезінде 46 тонна асфальт ұрланған

ТАЛДЫҚОРҒАН. ҚазАқпарат - Көксу АІІБ «Алматы-Өскемен» республикалық трассасын салу кезінде 46 тонна асфальттың ұрланғаны туралы хабар келіп түсті. Бұл туралы облыстық ІІД баспасөз қызметінен хабарлады.

Жедел-іздестіру шаралары кезінде күдікті ретінде жүк көліктің екі жүргізушісі ұсталды. Олар кінәсын мойындады.

Олардың сөзіне қарағанда, асфальтты Текелі қаласының тұрғынына өткізген. Қазір екі күдіктіге қатысты ешқайда кетпеу туралы бұлтартпа шарасы қолданылды.

Күдіктілер келтірген залал 492 890 теңгеге бағаланды.