Алматы-Өскемен жолында шетелдік маркалы көлік пен автобус қақтығысты, 1 адам қаза болды
ӨСКЕМЕН. 7 қазан. ҚазАқпарат - Алматы-Өскемен күре жолының бойында БМВ-520 көлігінің жүргізушісі көлікті басқару тетігіне ие бола алмай, жолдың қарсы бетіне шығып кетіп, Мерседес Бенц автобусымен соғылды.
Қақтығыстың салдарынан жеңіл шетелдік көліктің иесі алған жарақаттардан оқиға орнында жан тапсырды. Оның екі жолаушысы ауруханаға жеткізілді.
Облыстың ІІД-дан хабарлағандай, өткен тәулікте тағы бір жол апаты орын алған. Өскемен-Зыряновск жолының бойында «Тойота» жүргізушісі жол жиегінде тұрған ВАЗ-2109 көлігіне барып соққан. Апаттың салдарынан «Тойотаның» иесі зардап шегіп, ауруханаға жатқызылды.
