Алматы-Ташкент автожолындағы дәмхананың жанынан граната табылды
ТАРАЗ. 29 мамыр. ҚазАқпарат - Алматы-Ташкент автожолында орналасқан дәмхананың маңынан граната табылды, деп хабарлады Жамбыл облыстық ІІД-ден.
Алматы-Ташкент көлік жолының 452-ші шақырымында, Тұрар Рысқұлов ауданы, Ақыртөбе ауылының аумағында жол бойында орналасқан «Достық» дәмханасының маңынан граната табылды.
Жамбыл облыстық ІІД «Арлан» арнайы мақсаттағы бөлімшесінің саперлік тобы жүргізген тексерудің нәтижесінде табылған зат Ф-1 оқу гранатасы екендігі анықталды, зат қауіп төндірмейді.
Табылған жарылғыш зат сараптама жасау үшін Жамбыл облыстық ІІД қызметкерлерімен алынды, деп хабарлады ведомстводан.
