Алматы және Шығыс Қазақстан облысында республикалық маңызы бар жолдарда қатынас шектелді - ККМ
АСТАНА. 30 қаңтар. ҚазАқпарат - Алматы облысында 27 қаңтардан бастап қолайсыз ауа райының салдарынан (боран, жолдың нашар көрінуі) Үшарал - Достық автожолының Көктума - Достық учаскесінде (83-168 шақырым) жол жабулы. Бұл туралы Көлік және коммуникациялар министрлігінің баспасөз қызметінен хабарлады.
Шығыс Қазақстан облысында 2011 жылдағы 30 қаңтардың 08.00 сағатынан бастап (боран, жолдың нашар көрінуі) Алматы - Өскемен автожолының Өскемен - Қалбатау учаскесінде (1019-1073 шақырым) автобустар қатынасы шектелді.
Автомобиль жолдарында келеңсіз жағдайлардың алдын алу үшін ауа-райы жақсарғанша жол жүруден бас тартып, Қазақстанның гидрометеорологиялық қызметінің хабарламаларына назар салған жөн.
ҚР Көлік және коммуникация министрлігінің «Қазақавтожол» РМК-да автомобиль жолдарының жабылған учаскелері жөнінде халықты хабардар ету үшін тәулік бойы диспетчерлік қызмет жұмыс істейді, байланыс телефоны (7172) 44-46-85. Сонымен қатар, жолдар жөніндегі шұғыл ақпарат www.mtk.gov.kz, www.kad.gov.kz, www.kazavtodor.kz сайттарында жарияланады.
