Алматыда 180 ПИК-ке 10 млн теңгеге жуық көлемінде айыппұл салынды
АЛМАТЫ. ҚазАқпарат - Алматыда ауладағы тазалыққа салғырт қараған пәтер иелері кооперативтеріне 10 млн теңге көлемінде айыппұл салынды. Әкімшілік жазаға 180 ПИК тартылды.
Бұл туралы қалалық Табиғат және табиғи ресурстарды пайдалану басқармасының баспасөз қызметі хабарлады. «Жыл басынан бері 234 хаттама толтырылды. Салынған айыппұл көлемі 9 711 800 теңгені құрады. Ең лас аулалар Медеу ауданында тіркелген. Медеу ауданында 40, Алмалы ауданында 34 ПИК 3 млн 666 млн теңге айыппұл төлеуге міндеттелді. Ал Алатау және Наурызбай аудандарында 6, 8 ПИК жазаланды», - делінген хабарламада. 21-27 тамыз аралығындағы тексеру барысында 15 ПИК иелеріне әкімшілік хаттама толтырылып, 713 520 теңге көлемінде айыппұл салынды.
