Алматыда газ баллонынан шашылған газдан зардап шеккен 13 адамның он екісі бүгін ауруханадан шығарылады
АЛМАТЫ. ҚазАқпарат - Алматыда 30 қаңтар күні №129 орта мектепте бұрышты газ баллонынан шашылған газ салдарынан зардап шеккен 13 адамның 12-ісі бүгін аураханадан шығарылады. Бұл туралы бүгін Алматы қалалық денсаулық сақтау басқармасында өткен баспасөз брифингінде мәлім етілді.
«Барлығы 13 адам зардап шекті. 11 мектеп оқушысы - №1 қалалық балалар клиникалық ауруханасына, қалған 2 адам - Алматы қ. Жедел медициналық көмек көрсету ауруханасына жеткізілді. Бірақ, бір бала ауруханаға жатудан бас тартты. Қазір барлық ересектер мен 9 бала ауруханадан шығуға дайындалып жатыр. Олардың халі қанағаттанарлық. Ал тағы бір бала аллергияға байланысты аураханада жата тұрады», - деді Алматы қ. Денсаулық сақтау Басқармасының бас оташысы Нұржан Исабеков.
Айта кетелік, 2016 жылдың 30 қаңтарында Жетісу ауданы, Айнабұлақ-3 ықшам ауданындағы 165-ші үй мекенжайында орналасқан №129 орта мектептің 11 мектеп оқушысы және екі ересек адам бұрышты газ бүріккішінен уланып қалған болатын.
Алматы қ. ІІД жергілікті полиция қызметінің хабарлауынша, бұрышты газ баллонын осы мектептің 8-сынып оқушысы 2001 жылы туған Пляскин К.А. есімді жасөспірім бүріккен.
