Алматыда «ХХI ғасырдың құнды жәдігерлері - сиқыр және сұлулық» атты көрме ашылады

күйектің 10-ы. ҚазАқпарат /Маржан Кеңесбай/ - Ертең Алматыдағы «D,ADAMAS» салонында  «ХХI ғасырдың құнды жәдігерлері - сиқыр және сұлулық» деген тақырыпта зергерлік бұйымдардың халықаралық көрмесі ашылады,

деп хабарлайды ҚазАқпарат.

 Бұл зергерлік бұйымдар көрмесі неміс жерінде өткен Алматы күндерінің жалғасы ретінде өткізіледі. Көрмеде әлемдік деңгейдегі зергерлік бұйымдарды жасаумен айналысатын шеберлермен дидарласудың мүмкіндігі туады. Көрмеге Бернд, Ютта және Том Мунштайнер, Михаэль Цобель (ГФР) және Виктор  Сырнев (Қырғызстан) сынды шеберлер келеді. Олар өз өнімдерін өздері таныстырады. Көрме қыркүйек айының 12-нен бастап, қазан айының 11-іне дейін жалғасады.