Алматыда Ішкі әскердің ақшасын ұрлаған кәсіпкерлер сотталды - Қаржы полициясы

АСТАНА. Қыркүйектің 9-ы. ҚазАқпарат /Арман Асқаров/ - ҚР Ішкі істер министрлігі Ішкі әскерлер комитетінің ақшасын ұрлаған кәсіпкерлер сотталды.

Бұл туралы бүгін ҚР Экономикалық қылмысқа және сыбайлас жемқорлыққа қарсы күрес агенттігінің ресми өкілі Мұрат Жұманбай мәлім етті, деп хабарлайды ҚазАқпарат.

Оның айтуынша, «Компания Крэми» және «Престиж» ЖШС-терінің директоры Э. Кабиров 3 жыл бас бостандығынан шартты түрде айыруға сотталды. Ол «Еңбек Алматы» республикалық мемлекеттік кәсіпорнының директорымен алдын-ала келісіп, ҚР ІІМ Ішкі әскерлер комитетінің 160 млн.теңгесін ұрлауға көмектескен. Қазіргі кезде оның екі сыбайласына іздеу жарияланды.