Алматыда қатты жел тұрып, Әскери институттың жатақханасының шатыры «ұшты»
АСТАНА. Маусымның 4-і. ҚазАқпарат - Алматыда тұрған қатты жел Қорғаныс министрлігі Әскери институтының жатақхана шатырын ұшырып әкетті,
деп хабарлайды ҚазАқпарат Төтенше жағдайлар министрлігіне сілтеме жасап. Кеше, маусымның 3-і күні сағат 16.45-те оңтүстік-батыстан соққан қатты жел курсанттардың үшқабатты жатақханасының 550 шаршы метрдей ауданының шатырын ұшырып әкетті. Оқиға салдарынан зардап шеккендер жоқ.
