Алматыда Мерседес арыққа түсіп кетті
АЛМАТЫ. ҚазАқпарат - Алматыда көше қиылысында екі көлік соқтығысты, деп хабарлайды ҚазАқпарат.
Жол апаты Абай мен Масанчи көшесінің қиылысында болған. Мерседес автомобилі Абай көшесімен шығысқа қарай кетіп бара жатса, Киа - оңтүстік бағытта келе жатқан. Қиылыста екі көлік бір-біріне соқтығысып, қатты соққыдан Мерседес жол шетіне шығып кетеді. Ол жолай бағдаршамды қиратып, суағар арыққа түсіп кеткен.
Жол апатында үш адам зардап шекті. Әзірге расталмаған дерек бойынша төртінші алам - жаяу жүргінші де жарақат алған болуы ықтиммал.
Оқиғаның мән-жайын полиция анықтап жатыр.
Автор: Альберт Ахметов
