Алматыда мүгедектігі бар балаларға арнаулы көмек көрсетудің төлем мөлшері бекітілмек
АСТАНА. ҚазАқпарат – Алматыда мүгедектігі бар балаларға арнаулы психологиялық-педагогикалық қолдау көрсететін мамандарға өңірлік бюджет есебінен берілетін төлем көлемі бекітілмек, деп хабарлайды ҚазАқпарат тілшісі.
«Алматы қаласының 2023 жылға арналған бюджет қаражатының көлемдері шегінде мүмкіндігі шектеулі балаларды арнаулы психологиялық-педагогикалық қолдауға мемлекеттік білім беру тапсырысы бекітілсін», - делінген «Ашық» НҚА прталында жариыланған әкімдік қаулысында.
Құжатта көрсетілгендей, қазір арнайы психологиялық-педагогикалық көмек алу үшін 1 433 мүгедектігі бар бала кезекте тұр.
Қалалық білім басқармасы 1 бала үшін сағатына маманның жұмысы үшін мынадай сома бөлуді ұсынды:
Психолог – 7 216 теңге (1 сағат жеке сабақ үшін);
Логопед – 7 619 теңге (1 сағат жеке сабақ үшін);
Дефектолог – 7 755 теңге (1 сағат жеке сабақ үшін);
Тифлопедагог – 7 729 теңге (1 сағат жеке сабақ үшін);
Олигофренопедагог – 7 917 теңге (1 сағат жеке сабақ үшін);
Сурдопедагог – 7 593 теңге (1 сағат жеке сабақ үшін);
Емдік дене шынықтыру нұсқаушысы – 7 212 теңге (1 сағат жеке сабақ үшін).
Әкімдік қаулысы 22 сәуірге дейін көпшілік талқылауда болады.
