Алматыда өрт салдарынан 7 мен 10 жастың арасындағы үш бала көз жұмды
АСТАНА. Қыркүйектің 13-і. ҚазАқпарат - Алматыда бүгін таңертеңгі сағат 4-те газ баллонының жарылуы салдарынан 5 қабатты тұрғын үйдің 3-інші қабатында үй мүліктері өртке ұшырап, жалын 65 шаршыметр аумақты шарпыды.
Өртті сөндіру барысында 7-ден 10 жасқа дейінгі 3 баланың мәйіті табылды. Екі адам күйікке шалынып, ауруханаға жеткізілді. 25 адам көшірілді. Өрт 04 сағат 55 минутта ҚР ТЖМ Алматы қаласы төтенше жағдайлар департаментінің өрт сөндіру қызметінің күшімен ауыздықталды.
