Алматыда шағын өзендердің бірі қызғылт түске боялды
АЛМАТЫ. ҚазАқпарат - Алматыда шағын өзендердің бірі қызғылт түске боялды. Бұл туралы жаңа ғана «ҚазАқпарат» тілшісіне «Балычек» балық аулау клубының белсендісі Евгений Сляднев хабарлады.
«Айтатын несі бар. Кәдімгідей қызыл су ағып жатыр. Мұны бүгін кешке 18:30-да Майлин мен Гете көшелерінің аралығында байқадық. Бұл Түркісіб ауданы», - деді Евгений Сляднев.
Ал, Алматы қалалық Төтенше жағдайлар жөніндегі департаментіндегілер бұл деректің қазір тексеріліп жатқандығын мәлімдеді. 
