Алматыда тұңғыш рет ашық аспан астындағы заманауи өнердің «ArtBatFest-2010» атты фестивалі өтеді

АЛМАТЫ. Тамыздың 21-і. ҚазАқпарат /Нәзира Елеухан/ - Бүгін Алматыдағы Арбат алаңында бірінші рет ашық аспан астындағы заманауи өнердің «ArtBatFest-2010» атты халықаралық фестивалі өтеді, деп хабарлайды ҚазАқпарат.

Халықаралық фестивальде барлық келушілер мүсіндердің қойылымдарымен танысып, әр сенбі күні бейне және фотоарт, театр және кескіндеме апталығына қатысуға мүмкіндік алады.

Қала әкімдігінің қолдауымен ұйымдастырылатын шараның басты мақсаты - халықты қоршаған ортаны қорғау мәселесіне назар аударту.

Ұйымдастырушылардың айтуынша, Арбатқа Молдақұл Нарымбетов, Сәкен Нарынов, Георгий Трякин-Бухаров сынды танымал суретшілердің туындыларымен қатар, жас мүсіншілер мен суретшілердің шығармалары да қойылмақ.

Фестиваль қазан айының 2-не дейін өтетін болады.