Алматыда тұрғын үй өртеніп жатыр
АЛМАТЫ. ҚазАқпарат - Алматыда Медеу ауданында жеке үй өртеніп жатыр. Бұл туралы ҚазАқпарат тілшісіне қалалық Төтенше жағдай департаментінің баспасөз хатшысы Әйгерім Қонысбекова хабарлады.
Өрт Медеу ауданындағы Кошкунов көшесіндегі 19-үйдің шатырынан тұтанып басталған. Қызыл жалын сарайдан үйге көшкен.
«Өрт жайлы хабарлама ТЖД кезекші пультіне түскі сағат 16:00-де түскен болатын. Өрт сөндірушілер 16:17-де оқиға орнына жетті. Қазір оқиға орнында өрт сөндірушілер жұмыс істеп жатыр. Әзірге басқа мәлімет жоқ», - деді Әйгерім Қонысбекова.
