Алматыда жолаушымен төбелескен автобус жүргізушісі рейстен алынды

АЛМАТЫ. ҚазАқпарат - «Алматыэлектротранс» ЖШС автобус жүргізушісі мен жолаушының төбелесі түсірілген видеоға қатысты ақпарат берді, деп хабарлайды ҚазАқпарат тілшісі.

«Бүгін таңғы сағат 7:15-те №137 маршруттық автобуста жүргізуші мен жолаушы арасында кикілжің болған. Жүргізуші рейстен алынды» - делінген компанияның мәліметінде.

Аталмыш оқиға бойынша автопарк тарапынан тексеру жүріп жатыр. Соның қорытындысы бойынша тиісті шаралар қабылданатын болады.