Алматыда жылу желілерін жөндеуге байланысты жол қозғалысы шектеледі

АЛМАТЫ. ҚазАқпарат - Алматыда бүгін кешкі сағат 20:00-ден бастап тамыздың 31-іне дейін Райымбек даңғылының Тілендиев пен Емцов көшелерінің арасындағы жол аралығында көлік қозғалысы шектеледі. Бұл туралы қалалық әкімдіктің баспасөз қызметінен хабарлады.

Аталған жол аралығында жылу желілерін жөндеу жұмыстары жүргізіледі. «АГС-Пласт» ЖШС 17 сәуірден ұзындығы 2,1 шақырым болатын «М-5 жылу магистралін жөндеу» бойынша жұмыс атқарып келеді. Қазір жөндеу жұмыстары Брусиловский мен Емцов көшелерінің арасындағы жол аралығында жүріп жатыр.