Алматыдағы өрт: Амалы қалмаған тұрғындар балаларын терезеден лақтырды

АЛМАТЫ. ҚазАқпарат – Алматыда «Ақкент» тұрғын үй кешеніндегі өрт туралы видеолар әлеуметтік желіде тарап жатыр. Бейнежазбадан тұрғындардың балаларды терезеден төсенішке лақтырып жатқанын көруге болады, деп хабарлайды ҚазАқпарат тілшісі.

Өрт шарпыған аумақ нақтылану үстінде. Жоғары қабаттардағы адамдарды эвакуациялау және құтқару жұмыстары жүргізіліп жатыр.

ТЖД күшімен баспалдақ арқылы 250-300 адам эвакуацияланды, үш тік саты мен үш автомат саты арқылы 40 адам құтқарылды.

Өрт сағат 18-46-да оқшауланып, көп ұзамай толығымен сөндірілді.

Оқиға орнында қалалық ТЖД күштері мен құралдары сапынан 50 адам және 14 техника жұмыс істеді, оның ішінде 3 автосаты бар.

Еске сала кетейік, біз бұған дейін 16 қабатты үйде өрт тұтанғанын хабарлаған едік.

Қызыл жалын сағат 18:46 кезінде оқшауланып, сөндірілді. 31 адам, оның ішінде 16 бала ауруханаға жеткізілді.