Алматыдан 160 км қашықтықта жер сілкінді

АСТАНА. ҚазАқпарат - ҚР БҒМ «Сейсмологиялық тәжірибе-әдістемелік экспедициясы» ММ сейсмикалық стансалар желісі 2017 жылдың 5 мамыр күні Алматы уақытымен 05 сағат 39 минут 33 секундта жер сілкінісін тіркеді.

Зілзаланың эпицентрі Алматы қаласынан оңтүстік батысқа қарай 160 км аймақта Қырғызстан территориясында орналасқан.

«Жер сілкінісінің энергетикалық класы - 9.2. Магнитудасы -4.3»,-делінген «Алматы» СББО кезекші операторының хабарламасында.