Алматының ең қауіпті жолында көлік әжені қағып кетті

АЛМАТЫ. ҚазАқпарат - Алматыдағы әл Фараби көшесінде көлік жаяу жүргіншіні қағып кетті, деп хабарлайды ҚазАқпарат тілшісі оқиға орнынан.

Жол апаты әл Фараби көшесінің Науаи көшесімен қиылысы тұсында орын алған. Жаяу жүргінші рұқсат етілмеген жерден жолды кесіп өтпек болып, «Мазда» көлігінің астында қалды.

Куәгерлердің айтуынша, ол 1931 жылы туған әже болған. Қазір оқиға орнына жедел жәрдем шақыртылды.

Егде адамның қауіпті аймақтан не үшін өтпек болғаны әзірге белгісіз.